YESU ALIWAPA WANAWAKE UWEZO WA KUADHIMISHA EKARISTI

Kwenye Karamu ya mwisho Yesu aliweka sakramenti ya Ekaristi. Alitaka kubakia kwenye jumuiya yake wakati wote. Pamoja nao angeendelea kumshukuru Baba kupitia kwenye mambo ya Kisakramenti ya mkate na divai. Yesu alisima, "fanyeni hivi kwa ukumbusho wangu!"

Hakika, hilo limeeleweka kuwa ni namna ya kuwapa wafuasi wake uwezo wa kuadhimisha Ekaristi katika jina lake. Mtaguso wa Trento, ulitanabaisha hayo kwa maneno haya: "Kwa maneno 'Fanyeni hivi kwa ukumbusho wangu!', Kristu aliwasimika mitume kama mapadre, na kuhalalisha kuwa wao na mapadre wengine lazima watolee mwili na damu yake. Hiki ndicho kila wakati Kanisa hufundisha" (1562 AD; denz. No 1740, 1752).

Wakati wa Zama za Kati watu wote walifikiri kwamba ni wanaume tu walikuwepo wakati wa karamu ya mwisho. Hiki ndicho Leonardo da Vinci alikiashiria kwenye michoro yake maarufu (ona maelezo juu). Katika maneno ya Durandus Mtakatifu-Pourcain (1270-1334 AD): "Kristu aliwapa daraja wanaume tu alipowapa mamlaka ya kuweka wakfu."

Lakini hilo ni kweli? Wanawake hawakuwepo?

KARAMU YA MWISHO na Bohdan Piasecki.

Karamu ya mwisho ilikuwa mlo wa Pasaka. Tunajua hili kutoka katika Injili. Yesu alipenda mitume wake waiandae kama Pasaka. "Nimetamani sana kula Pasaka hii pamoja nanyi (Lk 22:7-16). Sasa twafahamu kutoka katika Injili kwamba wanawake kila mara walishiriki katika milo ya jumuiya na Yesu. Ilikuwa njia mojawapo ya kuashiria uwepo wa Ufalme mpya wa Mungu. Zaidi ya hayo, familia yote pamoja na wanawake, iliwapasa walishiriki katika mlo wa Pasaka (Kutoka 12:1-4). Injili zinataja kuwasili kwa Yesu na wale thenashara 'jioni' (Marko 14:17), bali wafuasi wengine waliokuwa wamefanya maandalizi walikuwepo tayari pale. Walikuwepo wanawake pia.

	Hivyo basi, twaweza kuwa na uhakika kwamba Mamaye Yesu na wafuasi wanawake wengine walikuwepo kwenye karamu ya mwisho. Ni kwa wafuasi wote Yesu alisema kwamba "Huu ni mwili wangu. Twaeni mle wote. Fanyeni hivi kwa ukumbusho wangu! Hii ni Damu yangu Twaeni mnywe wote! Mfanyapo hivi itakuwa kwa ukumbusho wangu(Mathayo 26:26-28; 1Kor 11:23-25). Maneno ya Yesu "Fanyeni hivi kwa ukumbusho wangu" yalielekezwa kwa wafuasi wote waume kwa wake. Kwa hiyo, Yesu aliwawezesha wote kupokea Daraja takatifu na kuadhimisha Ekaristi.

Public Relations Officer

Administrational Assistant

Academic Project Manager